جستجو
تاريخ انتشار : 1395/12/10 - 10:58
آذربایجان دا بایرام عادت لرینین معناسی
آذربایجان دا عادته گؤره نوروز بایرامیندا گؤیردیلن سمنی یازین گلمه سینین،طبیعتین جانلانماسینین،اکینچیلیین رمزی دیر.آذربایجاندا کندلیسی سمنی گؤیرتمک له نؤوبتی تصرروفات( اکینچیلیک) ایلینه برکت، بوللوق آرزولامیش،بایراما دؤرد هفته قالمیش هر چرشنبه آخشامی و بایرام گؤنو تونقال قالاماق لا، ماهنی قوشماق لا اودا ، آتشه، گونشه اولان اعتیقاد و اینامی ...

 

سو چرشنبه سی

خالق اینانجینا گؤره، بهمنین 30 –اوندان چیلله باشا چاتیر و بوز آی دؤورو باشلاییر.بو دؤؤوره، دی آیینین بیریندن باشلایان قیش فصلی 3 حیصه یه بؤلونور.

بؤیوک چیلله 40،کیچیک چیلله 20 گون چکیر.معلوماتا گؤره، بو تقویم له دی آینین بیریندن بهمن آیینین 10 آ دک بؤیوک چیلله، بهمنین 11-ندن بهمنین 30 آ دک کیچیک چیلله داوام ائدیر.کیچیک چیلله دن سونرا نوروزا دک قالان 30 گون،دؤور بوز آی آدلانیر.بو آیین بوز آی آدلاندیریلماسینین سببی ایسه هاوالارین تئز تئز دییشمه سی دیر.یعنی کیچیک چیلله نین بیتمه سی شاختالی هاوالارین بیتمه سی دئمک دئییل.بوز آی  دا کیفایت قدر سرت لیینی حیس ائتدیرن آی دیر.بو آی دا هاوا بیر گون ایستی ،بیر گون سویوق اولا بیلر،یعنی هاوا اوزونو بوزاردیر.دوز بیر آی داوام ائدن بو دؤور یوموشاق و نارین یاغیشلی گون لرین چوخلوغو ایله سئچیلیر.همده نوروز بایرامینین موژده چیلری اولان  چرشنبه لر محض بو دؤوره تصادوف ائدیر..بو ایل ایلک چرشنبه اسفندین 3-نه سون و یا ایل آخیر چرشنبه ایسه اسفندین 24 –نه  تصادوف ائدیر.

چرشنبه لر سو،اود،تورپاق و یئل ( هاوا) اولماق لا سیرالاناراق 4 چرشنبه یه بؤلونور.چرشنبه لرین بو شکیلده آدلانماسی بئله تصادوفی دئییل و اؤزونده اینسانین یارادیلدیغی عونصورلری ائحتیوا(شامل) ائدیر.بئله کی عورفان فلسفه سی آللاهین اینسانی سو.،اود،تورپاق و هاوا کیمی دؤرد عونصوردن یاراتدیغی بطنینه ایسه روحو یئرلشدیردییی قناعتینده دیر.محض بوز آی دا تورپاغی اکیب – بیجمه یه حاضیرلایان یاز دومان لاری باشلاییر.

یئری گلمیش کن قیش دا دا قیش دومان لاری تورپاغین اوزه رینه ائنیر.اونا گؤره ده خالق ایچینده " قیش دومانی قار گتیره ر، یاز دومانی بار گتیره ر" کیمی بیر دئییم فورماشیب.یاز دومانلارینین یومشالتدیغی تورپاق تدریجا آراتا(اکیندن قاباق تورپاغی سووارماق)، شوملاماغا حاضیرلانیر.آذربایجاندا قئید ائدیلن "خیضر زنده" ( ابدی خیضر) بایرامی دا بو آیین ایچینده دیر.همده بوز آیین سون هفته سینه " توستو قایتاران" هفته دئییلیر.

بو ابسه  همین موددتده اسه ن کوله کلرین توستو باجالاریندان تکرار ائوین داخیلینه قایتارماسی ایله علاقه لیدیر. بوز آی دا بیر گون عرضینده هاوا هم ایستی،هم سویوق، هم یاغیشلی و دومانلی اولا بیلر.بو طبیعت حادیثه لری ایله باغلی خالق ایچینده بو دییشکن لیک 4 فصیل ( یاز ،یای،پاییز،قیش) اؤزونو هره سی بیر گون و یا بیر گونون ایچینده نوماییش ائتدیر مه سی کیمی قیمت لندیریلیر.نوروز بایرامینین اؤزونه مخصوص عادت عنعنه لری وار و هر بیر عنعنه اؤزونده معین معنا داشیییر.ماراقلی دیر،نوروز بایرامینین تاریخینه، سمنی کؤیره تمک ،پاپاق آتدی، یومورتا بویاما کیمی ایللردیر قورونوب ساخلانان عنعنه لرینین معنالاری نه دیر؟

آذربایجان دا عادته گؤره نوروز بایرامیندا گؤیردیلن سمنی یازین گلمه سینین،طبیعتین جانلانماسینین،اکینچیلیین رمزی دیر.آذربایجاندا کندلیسی سمنی گؤیرتمک له  نؤوبتی تصرروفات( اکینچیلیک) ایلینه برکت، بوللوق آرزولامیش،بایراما دؤرد هفته قالمیش هر چرشنبه آخشامی و بایرام گؤنو تونقال قالاماق لا، ماهنی قوشماق لا اودا ، آتشه، گونشه اولان اعتیقاد و اینامی ایفاده ائدیب.بوتون بو مراسیم لر طبیعی کیمی ایسلام دان چوخ چوخ  اول مؤوجود اولموش قدیم شرق عنعنه لرینین داوامیدیر.نوروز بایرامی قاباغی عادتا ائوده حییطده آبادلیق،تمیزلیک ایشلری آپاریلیر.آغاج اکیلیر و ...

نوروز بایرامیندا شیرنیات نؤولری ( قوغال،کولچه،فسلی،پاخلاوا،شکربورا،شکر چؤره ییی) و پلوو بیشیریلیر.رنگ برنگ یومورتا بویانیر،مجمه ییی و سینی لرده خونچا بزه نیر.شام یاندیریلیر.تونقال قالانیر، سمنی قویولور،اؤله نلرین خاطیره سی یاد ائدیلیر.نوروزدا کوسولولرباریشیر،قوهوم قونشولار بیر بیرینه قوناق گئدیر،پای گؤنده ریرلر.

نوروز بایرامیندا یئرینه یئتیریلن بو عنعنه لر هانسی معنا داشیدیغینا گلینجه مثلا یومورتا بویاماق تانرینین بشریته بخش ائتدییی دؤرد اساس نعمت له معنالاندیریلیر.چوخ قدیم لردن بیر چوخ خالق یومورتانی حیاتین، جانلیلیغین رمزی حئساب ائدیب.اینسانلارین اعتیقادینا گؤره یومورتادان هم خئییر همده شرر تؤره یه بیلر.ایبتیدائی تصور و اعتیقادا اساسا یومورتا اولو تانرینین بشریته بخش ائتدییی دؤرد اساس مادی نعمت اولان  هاوا،سو،تورپاق،اودلا معنالاندیریلیر.یومورتانین دایره وی لییی و قابیغی تورپاغی،پرده سی هاوانی ،آغی سویو،ساریسی اودو سیموول لاشدیریر.محض بوعلامت لرینه گؤره یومورتادان بیر چوخ بایرام . مراسیملرده ایستیفاده ائدیرلر.یومورتانین نه رنگ بویاماسی دا فصیل لردن خبر وئریر. قیرمیزی رنگه بویامیش یومورتا یاییی،یاشیل گؤی رنگ یازی،ساری پاییزی، هئچ رنک لنمه میش یومورتا ایسه قیشی بیلدیریر.یومورتا دؤیوشدورمک ایسه ایکی دویانین قیش لا یازین، سویوق لا ایستینین، خااوس( هرج مرج) لا کوسموسون(فضا) موباریزه سینی نوماییش ائتدیرمک دیر.سمنی قویماق دا هانسی سا بیر شکیلده طبیعتی جانلاندیرماق،اونا  تاثیر ائتمک واسیطه سی کیمی آنلاشیلیر.قولاق فالی و یا قاپی پوسماق، یئنی لشمه نین  معلومات سوییه سینی عکس ائدیریر.

نوروزا عاید بایرام عادت لریندن بیری ده موختلیف شکیلده آدلاندیریلان توربا آتماق دیر.روایته گؤره قدیم زامان لاردا رعیت، بی قاپیسینا  پاپاق آتار، باجاسیندان قورشاق ساللایاردی. چونکی اونلار آشاغی طبقه نین اینسان لاری ایدی و کاسیب ایدی لر.بونا گؤره ده بایرام کئچیر مه یه هئچ بیر شئی لری اولموردو.زامان گئچدیکجه ایسه بو عادت حالینی آلدی.نوروز سوفره سینه قویولان شیرنیاتلاردا نوروزون سیموول لاری دیر.سمنی یاشیل لیق،بوللوق،تونقال یاندیرماق ، یانان اودون اوستوندن آتیلماق ساغلاملیق، خوش ریفاه، پاخلاوا، شکر بورا – آی پارا، اولدوز معناسینین بیلدیریر.گوسا و کئچل  اوبرازلاری ایسه قیش لا یازین موباریزه سینی عکس ائتدیریر.قیش اؤز یئرینی یازا تحویل وئرمک ایسته میر،یاز ایسه بو یئری الده ائتمه یه چالیشیر. کوسا ایله کئچلین مضحکه سینین رمزی بوندان عیبارتدیر.عادته گؤره نوروز بایرامیندا سوفره یه "س" حرفی ایله باشلایان 7 نؤو ارزاق قویولور

گونئل منافلی

نظرات كاربران :
نام :
ايميل :
متن نظر : * 
 
متن بالا را وارد نماييد* 
 
آخرين اخبار
پر بازديد ترين مطالب
صفحه اصلي | نقشه سايت | تماس با ماتمام حقوق مادی و معنوی این سایت متعلق به نويد آذربايجان می باشد و استفاده از مطالب با ذکر منبع بلامانع است.
طراحي سايت و بهينه سازي سايت توسط سارگون