جستجو
تاريخ انتشار : 1395/12/08 - 18:20
خوجالی سویقیریمی ائرمنی تجاوزکار سیاستینین ان قانلی صحیفه سی دی
1992- جی ایل فئورالین 25 دن 26 –نا کئچن گئجه ائرمنی حربی بیرلشمه لری کئچمیش شوروی اوردوسونون خان کندی شهرینده یئرلشن 366-جی موتو آتیجی آلایینین( پیاده نظام) ایشتیراکی ایله آیلار لا موحاصیره ده ساخلانیلان خوجالی یا هوجوم ائده رک،بیر گئجه نین ایچینده شهری یئرله یئکسان ائدیب.بو قانلی آکسییا ( تجمع ) زامانی دینج اهالییه آمانسیزلیق لا ...

20 – جی عصرین دهشتلی و قانلی فاجیعهلریندن حئساب ائدیلن خوجالی سویقریمینین 25 ایلی تامام اولور

1992- جی ایل فئورالین 25 دن 26 –نا کئچن گئجه ائرمنی حربی بیرلشمه لری کئچمیش شوروی اوردوسونون خان کندی شهرینده یئرلشن 366-جی موتو آتیجی آلایینین( پیاده نظام) ایشتیراکی ایله آیلار لا موحاصیره ده ساخلانیلان خوجالی یا هوجوم ائده رک،بیر گئجه نین ایچینده شهری یئرله یئکسان ائدیب.بو قانلی آکسییا ( تجمع ) زامانی  دینج اهالییه آمانسیزلیق لا دیوان توتولوب.613 نفر قتله یئتیریلیب.مئییت لر تحقیر اولونوب.1275 نفر گیروو گؤتورولوب.اونلاردان 150 نفرین طالعی هله ده معلوم دئییل.قتله یئتیریلندیرن 63 نفری اوشاق،106 نفری قادین،70 نفری آهیل و قوجا ایدی.

حربی تجاوز نتیجه سینده 8 عایله تامامیله محو ائدیلیب.

سون ایکی عصر ده ائرمنی میللت چیلری تاریخی آذربایجان تورپاق لاری حئسابینا میفیک " بؤیوک ائرمنیستان" ایدییاسینی گئرچک لشدیرمک مقصدیله دفعه لر له آذربایجان خالقینا قارشی تئرور، کوتلوی قیرغین، دئپورتاسییا و ائتنیک تمیزله مه ( اخراج قومی) کیمی بشری جینایت لر تؤره دیبلر.

20- جی عصیرین سونوندا دونیانین گؤزو قارشیسیندا باش وئرن ،قدارلیغی و آمان سیزلیغی ایله فرق له نن خوجالی سویقیریمی ایسه بو تجاوزکار سیاستین ان قانلی صحیفه سی دی.بو اگر جینایته گؤره سیاسی حقوقی  مسئولیت بیرباشا ائرمنیستانین او زامان کی و ایندیکی رهبرلییینین، داغلیق قاراباغداکی سئپاراتچی( جدایی طلب)  رژیمینین اوزه رینه دوشور.

آذربایجان دؤولتی ائرمنی فاشیست لرینین تؤره دییی خوجالی فاجیعه سی حاققینداکی حقیقت لرین دونیا ایجتیماعیه تینه چاتدیریلماسی و بین الخالق عالمده سویقیریمی کیمی تانیدیلماسی ایستیقامتینده اییرمی ایله یاخیندیر کی مقصد یؤنلو و سیستیملی ایش آپاریر.

سون ایللرده " خوجالی یا عدالت" بین الخالق کامپانیاسی چرچیوه سینده سویداشلاریمیزی تمثیل ائدن چوخ سایلی وطنداش جمعیتینی اونیورسیته تلری، گنج لر تشکیلات لاری و دیاسپور( پراکنده) قوروملاری بوساحه ده حاکیمیت استروکلاری (ساختار) ایله بیرگه ثمره لی فعالیت گؤسته ریرلر. آرتیق یالان و ساختاکارلیق اوزه رینده قورولموش ائرمنی تبلیغات ماشینینین ایچ اوزو ایفشا اولونور و دونیا ایجتیماعی فیکیری خوجالی حقیقت لرینی قبول ائتمه یه باشلاییر.ایسلام امکداشلیق تشکیلاتی پارلامئنت ایتیفاقی بو فاکتی " اینسانلیغا قارشی تؤره دیلمیش کوتلوی جینایت" حادیثه سی کیمی تانیمیش و عوضو دؤولت لری همین  فاجیعه یه موافیق سیاسی- حقوقی قیمت وئرمه یه چاغیرمیش دیر.پاکیستان و مئکسیکانین پارلامئنت لرینده بو قتل عامین سویقیریمی آکتی کیمی تانیماسی باره ده قطنامه قبول ائدیلیب.

خوجالی سویقیریمینی تؤره تمکده  دوشمنین مقصدی آذربایجان خالقینی سارسیتماق، سووئره ن لیک و اراضی بوتؤولویو اوغروندا موباریزه دن چکیندیرمک و  آذربایجان تورپاق لارینی زورلا اله کئچیرمک اولسا دا بو آغیر فاجیعه آذربایجان خالقینی داها دا متین لشدیرمیش و قهرمان اوغول و قیزلاری، مقدس آذربایجان وطن نامینه قطعیت لی و متشکیل موباریزه یه سفربر ائدیب. 

نظرات كاربران :
نام :
ايميل :
متن نظر : * 
 
متن بالا را وارد نماييد* 
 
آخرين اخبار
پر بازديد ترين مطالب
صفحه اصلي | نقشه سايت | تماس با ماتمام حقوق مادی و معنوی این سایت متعلق به نويد آذربايجان می باشد و استفاده از مطالب با ذکر منبع بلامانع است.
طراحي سايت و بهينه سازي سايت توسط سارگون