جستجو
تاريخ انتشار : 1395/10/30 - 17:22
ایستانبول رئینا کلوب قتل عام چینین ایفاده سی: ترور واختی منده اؤلمه لییدیم
او بیلدیریب کی تاکسیم ده چکدییی ویدیو رقه یه گؤنده ریلمک اوچون نظرده توتولان کشفیات ویدیوسودور. چکدیییم ویدیونو رقه یه یوللادیم.داعیشین ایستانبول امیری حوجا آکا و کؤمک چیسی طرفیندن موناسیب گؤرولدو گئجه کلوبونا جانلی بمبا کیمی داخیل اولوب اؤزومو پارتلاداجاقدیم.لاکین تهلوکه سیزلیک تدبیرلرینین یوکسک سوییه ده اولماسی سببیندن بمبا گتیرن شخص له گوروشه بیلمه دیم

یئنی ایل گئجه سی  ایستانبولون رئینا گئجه کلوبونا گیره رک 39 نفری اؤلده رن ترورچونون پلیس- ه دانیشدیقلاری مطبوعاتا اؤتورولوب.

آلدیغیمیز معلومات لارا گؤره عبدالقادر مشاری پوو 45 ساعات دیر کی ترورلا موباریزه ایدازه سینده ساخلانیلیر. اونون پلیس – ه وئردییی ایفاده لر تک تک آراشدیریلیر، دوغرولوغو یوخلانیلیر.

پلیس قایناقلاریندان وئریلن معلوماتا اساسا " ابو محمد ال خراسانی " کد آدلی عبدالقادر مشاری پوو  وئریلن ایلک سوآلا تورکجه بیلمه دیینی دییه رک جاواب وئرمه ییب.داها سونرا اینگیلیس دیلینه سوآلا دا جاواب وئرمه ین ترورچو، روس دیلینی بیلن  بیرینین  گلمه سیندن سونرا حادیثه نین تفرروعاتلارینی  روس دیلینده سورعتله دانیشیب .اونا وئریلن ایلک سوال نییه" رئینا "یا هجوم ائتمه سی اولوب.مشاری پوو ایسه اورا گئدنلرین کافیر اولدغونو بیلدیریب و محض بونون اوچون گئجه کلوبوندا قتل عام تؤ ره دییینی دئییب.

مشاری پوو قاپیدا دوران پلیسی نییه اؤلدوردون؟ سوآلینا بئله جاواب وئریب: اوللجه پلیس منه آتش آچدی اونو اؤلدورمه سه ایدیم ایچری گیره بیلمزدیم.

ترورچونون بوندان اول حبس اولدوغو دا اوزه چیخیب. او 2015 – جی ایلده ساختا پاسپورت گزدیردییی اوچون ایراندا توتولوب و 1 آیلیق حبس دن سونرا سربست بوراخیلیب.حبس دن چیخدیقدان سونرا 2016 – جی ایلین یانواریندا قاچاق یوللار لا ایراندان تورکیه یه کئچیب.تخمینا 1 ایل کونیا  شهرینده  قالان ترورچو تعلیمات آلدیقدان سونرا ایستانبولا اوز توتوب.

او بیلدیریب کی تاکسیم ده چکدییی ویدیو رقه یه گؤنده ریلمک  اوچون نظرده توتولان کشفیات ویدیوسودور. چکدیییم ویدیونو رقه یه یوللادیم.داعیشین ایستانبول امیری حوجا آکا و کؤمک چیسی طرفیندن موناسیب گؤرولدو  گئجه کلوبونا جانلی بمبا کیمی داخیل اولوب اؤزومو پارتلاداجاقدیم.لاکین تهلوکه سیزلیک تدبیرلرینین یوکسک سوییه ده اولماسی سببیندن بمبا گتیرن شخص له  گوروشه بیلمه دیم.وضعیتی حوجا آکا یا بیلدیردیم.او سس گتیره جک یئر سئچمه ییمی ایسته دی.اوللده  آدینی ائشیتدییم رئینا –نین قارشیسینا گلدیم.بورادا تهلوکه سیزلیک آشاغی سوییه ده اولدوغو اوچون همین مکانی سئچدیم.تصدیق ائدیلمه سی اوچون رقه یه بیلدیردیم.

مشاری پوو قئید ائدیب کی ترور حیاتا کئچیره له جک  یئر  تصدیق ائدیلدیکدن سونرا قالدیغی ائوه گئدیب  سیلاح و ال بمباسی  اولاراق فلش بنقلری قؤتوروب رئینا یا یوللانان ترورچو اطرافا آتش آچدیقدان سونرا اؤزونو و ساغ قالانلاری اؤلدورمک اوچون فلش بنقلری پارتلادیب.ترورچو فلش بنق پارتلادیغی  آن اونون ساده جه ایشیق بمباسی اولدوغونو اؤلدوروجو گوجه مالیک اولمادیغینی اؤیره ندیینی دئیب و اؤزونو اؤلدوره بیلمه دییی اوچون قاچدیغینی قئید ائدیب.

ترور آکتینین باش توتدوغونو رقه یه چاتدیردیغینی دئین ترورچو بیر موددت گؤزله مه لی  اولوب.

وئریلن تعلیمات اساسیندا علی محمد جمیل ( ترورچو ایله بیرلیکده توتولان ایراق لی دوستو) ایله علاقه ساخلادیم و اونون قالدیغی ائوه یئرله شدیم. او تهلوکه سیزلیک تدبیرلرینین آرتدیغینی دئدی و یئنی ائوه  کؤچمه لی اولدوق.

گولنار سلیمان اووا

نظرات كاربران :
نام :
ايميل :
متن نظر : * 
 
متن بالا را وارد نماييد* 
 
آخرين اخبار
پر بازديد ترين مطالب
صفحه اصلي | نقشه سايت | تماس با ماتمام حقوق مادی و معنوی این سایت متعلق به نويد آذربايجان می باشد و استفاده از مطالب با ذکر منبع بلامانع است.
طراحي سايت و بهينه سازي سايت توسط سارگون