جستجو
تاريخ انتشار : 93/09/11 - 19:
سهراب سپهری حاققیندا
سهراب سپهری حاققیندا

 

یازیلمیش ادبی اثرلرین اجتماعی حیاتدا نه قدر مهم رول اوینادیغینی بیلمک اوچون ادبیات نه اولدوغونو بیلمه لی ییک. ایندیه قدر ادبیات نه دیر؟ سوالینا بیر چوخ تعریف لر وئریلمیشدیر « ادبیات سؤز صنعتدیر » ادبیات صینفی مباریزه نین کسگین بیر آلتی دیر و سایره ... بو کیمی باشقا تعریفلرده وئریلمشدیر. آنجاق بو تعریفلرین هئچ بیری تک لیکده ادبیاتین ماهیتینی و خیدمتینی یئتیره بیلمه  ییر. چونکی، آیریلیقدا بو تعریفلرین هر بیری ادبیاتین آنجاق بیر خصوصیتی و بیر جهتینی گؤستره بیلیر. دئمک ادبیاتا، ریاضیات، هندسه و باشقا عمللر کیمی قطعی بیر تعریف وئرمک اولماز. اؤلکه میزین شاعیرلرین و یازیچی لاری ایراندا و خاریجده یاشایان خلقلرین مدنیت، دیل و ادبیاتلارینی جانلاندیریبلار. اوستاد شهریار « حیدربابایا سلام » منظومه سی دوخسان دیله چئویریلمیش و سایر فارس یازیچی لار و شاعیرلرین از جمله فرغ فرخزاد، صادق هدایت، سیمین دانشور و جلال آل احمد یازیلاری و شعرلری یاد دیللره چئویریلمیش. بیرلیک له ادبیات نه اولدوغونو بیلمه لی ییک.

پهلوی رژیمی آذربایجان دیلین دن وحشت ائتدیگی کیمی هئچ بیر داخیلی و خاریجی قودرتلردن قورخموردی ائله بونا گؤره ده  بو دیلین رواج تاپماغینین قارشیسینی آلماغا جان آتیردی و آذربایجان دیل و ادبیاتلارینی اورتادان آپارماغا چالیشیردی و یئنی وجودا گلمیش ایستعدادلارینا سبب اولوردو.

 گونه شین قارشیسینی قار بولودلار همیشه لیک توتا بیلمه دیگی کیمی یازیچی و شاعیرلرینده قلمینین اوجونو بیر دفعه لیک سیندیرماق ممکن  دئییل نئجه کی محزون، طرلان، سؤنمز، ساهر، سهند ، سحر خانیم و اوستاد شهریار قلم لری جاویدان اولوب. بو زامان دا یازیچی لارین وظیفه سی دیر کی ادبیات یولوندا چالیشان ادیب لری تانیتدیرسین.

سراب سپهری مهر آی 1307- جی ایلده کاشان شهرینده آنادان اولموشدور و اردیبهشت آیینین اولینده، 1358-جی ایلده تهرانین پارس بیمارستانیندا رحمته گئتمیشدی .سهراب « هشت کتاب » دا یازدیغی شعرلرینده اؤز مهارتینی گؤسته ره  بیلمیشدیر شعرلرینده بیز اونو « نیما » تحت تاثیرینده گؤروره ک  نوردا « فروغ »، « مولانا » یارادیجیلیغیندان ایلهام آلدیغینی گوروروک .

سهراب چوخ سفر ائتدیگی نه گؤره مختلف حادیثه لرین شاهیدی اولموشدور. گؤردوکلرینی نظمه چکمیش دؤورانینین  مسئله لرینه علاقه نیشان وئره رک شعرلرینده بشر دوستلوق دویغولاری آشیب- داشیر قوش کیمی قاناد باغلاییب بوتون اؤلکه لری سئیر ائدیر و یازیر  « من ندیدم دو صنوبر با هم دشمن ».

سهراب « صلح – صفا » عاشیقیدیر، او ساواشدان ،گوناهسیز قانلارین تؤکولمه سیندن نیفرت ائدیر. او اؤز وطن خالقینی سئودیگی کیمی، بوتون بشریتین سعادتینی آرزولاییر. دونیا خالق لارینی صلح، قارداشلیغا چاغیریردی. سهراب شعرلرینده بیر چوخ شاعیرلر کیمی هیجران، گل، بلبل، لیلی، مجنون چنگنه نمیش ایصطلاحلاری  قرارینا  یول وئرمه میش .هیجا  وزنی  ایله یازدیغی شعرلرینده ساده لیک و شیرین لیک معناجا دولولوق، بدیعی لیک هر اوخوجونون روحینی اوخشاییر اونو تحت تاثیره آلیر و دوشونجه یه مجبور ائدیر. اونون شعرلرینده شهرینه اولان سونسوز پاک محبتینی گؤرمک اولور.

اهل کاشانم

روزگارم بد نیست

تکه نانی دارم خرده هوشی  سر سوزن ذوقی

سهرابین شعرلری اوشاغا و جاوانا و قوجایا دا خوش گلیر. هشت کیتاب دا سهراب بیر ماهیر قواص کیمی دنیزلری درینلیکلرینه جوماراق سؤز اینجه لرینی توپلامیش مهارت خیال پری لرینی تئللرینه دؤزموش طبیت گوزللیکلرینی سیرایا چکمیشدیر.

 هشت کیتابی اوخودوقجا ینسان اؤزونو ماهیر بیر رسامین یاراتدیغی فسونکار تابلولارین قارشیسیندا حیس ائدیر. شاعیرین یارادیجیلیق قودرتی، آدامی حئیران و مفتون ائدیر چونکی شاعیر ،رسام دیر. بودورکی شعرلری رسم و رسم لری شعردیر. 

منبع خبر : نازخند صبحی
نظرات كاربران :
نام :
ايميل :
متن نظر : * 
 
متن بالا را وارد نماييد* 
 
آخرين اخبار
پر بازديد ترين مطالب
صفحه اصلي | نقشه سايت | تماس با ماتمام حقوق مادی و معنوی این سایت متعلق به نويد آذربايجان می باشد و استفاده از مطالب با ذکر منبع بلامانع است.
طراحي سايت و بهينه سازي سايت توسط سارگون