هارای
اینسانلار همهمه سسی ایچینده بیر اینسان اورکدن هاوار چکنده
گوزله ییر کی بیر کس سسه گله جک ال وئریب گؤزونون یاشین سیله جک
گؤزله ین گؤزلرین یاشی قورویور یئنه ده بو گؤزلر اینسان گؤزله ییر
هر یولدان کئچه نی او اینسان قؤروب اینسانلیق چئشمه سی چوخدان قورویوب
یئتیریب یولچونون یولونو کسیر یولچونو یوخلویوپ یولداش سسله ییر
یولداش آغلاییب اورکده گولور گؤزون باغلاییب کله گین گؤرور
دونیانین ایشینی تزه آنلاییر آچیر گؤزلرین چوخلو آغلاییر
اینسان یئنه دن هاوارین چکیر هاواری سسلرین ایچینده ایتیر
اوزون یول لار
یول گئدیرم یواش یواش یول لار قاچیر دور سنده قاچ
یول لار اوزون عومور بیرآز نییه گلیر سوندان بیر یاز
گاه ایمه گله ییپ گاهدا قاچاق یورگون اما یوخ بیر بیجاق
آیاقلاریم مندن گلمیر اما ایزین یولدا چکیر
یول یورولور، یاز، گیش اولور آخشام اولور اولدوز سولور
الیمده هئچ سیلاحیم یوخ بو آخشاما صاباحیم یوخ
اورگیمده قالانیب سؤز آیدین صوبحوم، بیرآزدا دؤز
آخیر بو سؤز یاندیراجاق قارا گیشی قاندیراجاق
من یول لاردان گئچدیم قاباق بیرده قویمام یولدا قالاق
من گئده جم یاواش یاواش ایندی یول ، سن دالیمجا قاچ |