جستجو
تاريخ انتشار : 93/6/20 - 19:04
سن دلبرین حسرتینده بو گؤیلوم
سن دلبرین حسرتینده بو گؤیلوم

                         

سن دلبرین حسرتینده بو گؤیلوم                                       غرق اولوب درده عمانه باتیبدی

ازل گونی بیر اوخ  ووروبدی غم زن                               گئچیب استخوانی جانه باتیبدی

جمالیندان شوقا گلیر آی نئجه                                          بو محنته من دایانام آی نئجه

حسرت گونو آرتیر اولور آی نئجه                                 یاخچی گونوم خوش یامانه باتیبدی

ناشی عاشیق یولو گئدر ترسینه                                     عاریف اولانلار آختارار ترسینه

من عاشیقه اینانماسان  یار سینه                                    باخ گؤر نئجه گؤیلوم قانا باتیبدی

کاتیب اوغلو گؤزللرده بیرینجی                                    نه گوهردی نه آلتیندی  بیر اینجی

یار یولوندا یوز آغلاسان بیر اینجی                              گئنه گؤیلوم خوش گمانه باتیبدی

                                                  ***    

دلی گؤیلوم عشقین بحرینه دوشسن                              بیر مجنون اول ، گز صحرانی تکا  تک

الین اوز هر نه وار یاخچی یاماندان                             گؤیلونده بسله جانانی تکا  تک

صادیق اولان چکر یار اینیتظارین                                 یار یولوندا  قورار جانین بازارین

مجنون تک  قازدیرار اؤزی مزارین                            سمایه قالخار فغانی تکا تک

مجنون بیابانی مسکن ائیله دی                                  فرهاد قایا چاپدی داغی پیلله دی

اوستا کرم دردی سازا سؤیله دی                              هر بیری چکدی هیجرانی تکا  تک

کاتیب اوغلو ناره آلیش سنده یان                               بیرجانانه قول اول  سن  درده دایان

ثبت اولوبدو قالو بلاده پیمان                                   سیر وئرمه ساخلا پیمانی تکا  تک

منبع خبر : فارص کاتیب اوغلو
نظرات كاربران :
نام :
ايميل :
متن نظر : * 
 
متن بالا را وارد نماييد* 
 
آخرين اخبار
پر بازديد ترين مطالب
صفحه اصلي | نقشه سايت | تماس با ماتمام حقوق مادی و معنوی این سایت متعلق به نويد آذربايجان می باشد و استفاده از مطالب با ذکر منبع بلامانع است.
طراحي سايت و بهينه سازي سايت توسط سارگون