جستجو
تاريخ انتشار : 93/6/20 - 19:01
حئیران حاققیندا
حئیران حاققیندا

 

حئیران خانیم ادبی یارادیجیلیغی ادبیاتینا پارلاق نمونه اولاراق آذربایجان و فارس ادبیاتیندا یوکسک و اوزونه مخصوص یئرتوتور .اونون تورک و فارسجا ادبیات دیوانی مختلف شعر ، او جمله دن غزل، مخمس، رباعی، قصیده، مثنوی و سایره لره شامیل دیر.بو شاعیرین غزللرینده ابدی یاشاییش قابلیتنه مالیک اولان بیر ترنم وار.

غزل دونیاسینین بیر پوزولماز قایداسی اولاراق، حئیران خانیمین غزللرینده ده عمومیتله عشق و محبتدن، اونون سوینج و کدریندن، هم ده سئوگیلینیمین وفاسیزلیغیندان سؤز صحبت گئدیر:

رحم ایله منه ای گول ریحان بو بهاری                                 کسدی گوزه لیم تیغ غمون صبر و قراری

لاکین بو اینجه دویغولو شاعیر خانیمین ایفاده طرزی گاهدان بیر اوقدر یوکسک و احساس لیدیرکی، اونو شعر عالمینین بیر پارلاق اولدوزو سایماق اولار:

دورون ای شوخ قیلار مهر درخشان ایله بحث

زلف مشگینین  در سنبل و ریحان ایله بحث

بو غزل دوغرودان دا بیر داهی شاعیر خانیمین یوکسک ادبی قابلیتلره مالیک اولدوغونا دلالت ائدیر.

فضولی مکتبینین تاثیری آلتیندا یئتیشدیگینه باخمایاراق حئیران خانیمین شعرلرینده کی اورژیناللیق بو شاعیری آذربایجان و فارس ادبیاتینین یوکسک ذیروه لرینه قالدیریر .

حئیران خانیمی و اونون یارادیچیلیغی حاققیندا دانیشماق و اونو اولدوغوکیمی تانیماق اوچون اثرلرینی دریندن مطالعه ائتمک لازیمدیر.

شاعیر اوزو اوچون بیر عالم یارادیب .اونون دونیاسیندا آزادلیق وار، سئوگی و محبت اوردا حوکم  سورور. آنجاق او بو شن حیاتی آزادلیغی اوزو اوچون آختارماییب ، بلکه ائللر و خلقلر حئیران خانیم یارادیجیلیغینا  گوجلو تاثیر بوراخان باشقا عامیل ده  بیر آیریلیق کدری اولموشدر و چونکه ناخجیواندان دومانلی جنوب یئرلرینه کؤچرکن ، حئیران خانیمین نیشانلیسینین عائله سی  جنوبا کؤچمگه راضیلیق وئرمه ییب دوغما یئرلرده قالماق قرارینا گلمیشدی.

شاعیر 1160 ینجی ایللرده ناخجیواندا آنا دان اولموشدو . حئیران خانیم هله گنج یاشلاریندا چوخلو حادیثه لر گؤروب ، حادیثه لردن سیخیلیب .

یادلارین خالقین مقدراتین اکه  کئچیرمگیندن واهمه لنمیشدی. ایندی ایسه حئیران خانیمین گؤزلری یاشیل جنوب بولگه لرینه تیکیلمیشدی . آرازین گونی ساحیللری گنج شاعیری چاغیریردی.

چارسیخیتسیندان جانا دویموش بیر چوخ عائله لر باش آلیب ایرانا کؤچوب ، خوی شهرینین یاخینلیغینداکی کند ده مسکن سالمیشدی .

ائل- اوباسیندان قاچقین دوشموش ، گنج شاعیرین ان اینجه دویغولاری دوغما یوردوندان و اوزاقلاشماغین تاثیراتی اولموشدو.

حئیران خانیم سونرا تبریز شهرینه کؤچموش و حیاتینین قالان حیصه سینی همین شهرده باشا  وورموشدو .قاجار بیگلریندن اولان عباس میرزانین سارایینا گئت گلی واریمیش و سارای قادینلاری ایله دوستلوق سالمیشدی.

کونلوم قوشو اول زلف پریشان آراسیندا

بیچاره قالیب جنت نیران آراسیندا

گوزه لیم، نئجه سرگشته قالیب  واله و تنها

اول خاک ختا ایله بدخشان آراسیندا

طغیان ایله ییب درد و غمیم ، بو دل زاریم

بیر کشتییه نبرزقالا توفان آراسیندا

ای دل المه غم کی ، اونون یوخدو تفاوت

کویوندا چو درویش ایله سلطان آراسیندا

چون یار قیلیب لطفونو کم هانی او همدم

تا صلح قیلا یارایله حئیران آراسیندا

منبع خبر : نازخند صبحی
نظرات كاربران :
نام :
ايميل :
متن نظر : * 
 
متن بالا را وارد نماييد* 
 
آخرين اخبار
پر بازديد ترين مطالب
صفحه اصلي | نقشه سايت | تماس با ماتمام حقوق مادی و معنوی این سایت متعلق به نويد آذربايجان می باشد و استفاده از مطالب با ذکر منبع بلامانع است.
طراحي سايت و بهينه سازي سايت توسط سارگون