جستجو
تاريخ انتشار : 93/6/12 - 12:23
دوکتور هیئت ین عاشقانه عروجینه
دوکتور هیئت ین عاشقانه عروجینه

دوکتور     

1-ایش                            

 

 

 

یالان دونیا ، نه دن سئودانی گؤرمور                                 تیکان قالخیر گول زیبانی گؤرمور

سالاندا بیر بوغونتو دهشت ایچره                                      نوای عاشیق شیدانی گؤرمور

 

صاباح لار صف له نیب تاریخی بسلر                                بدن لر انسانا اولموش قفس لر

گلنده بیر بیچینچی اوراق ایله                                       بیرینجی اینسانی اؤنجه غرس لر

 

زهیرلی بیر خبر دونیانی آلدی                                         آلوو یوردو بوگون حئیرت ده قالدی

آجی یئل تورک لر یوردون باسارکن                                 جواد هیئتی توپراقه سالدی

 

آدی تک خالیدی نقش جهانه                                        داها گؤرمز اونون تک هئچ زمانه

حکیم بی ریا ائل لر آتاسی                                            گئدیب دیر اؤلکه میز قالمیش فغانه

 

قازاندی دونیالارجا عیزتی او                                             یونسکودان آلیبدیر شوکتی او

جواد هیئت گئدیب قالدیک یتیم بیز                                ائلیمین هیئتی هم هیبتی او (1)

 

دیلیمی قالدیریب اوج سمایه                                           آدی قالخیب اوجالمیش ماسوایه

تامام تورک ائل لرین مدیون قویموش                              گئدیب دیر قالمیشیک زار و نوایه

 

اونا یازدیم : جواد ! تایین تاپیلماز                                     تیکیب سن قلعه نی یالنیز آچیلماز

تایین یوخدور نه، چین ده، نه زمین ده                  یازیب : ( ناصح ) ! یاروق مادام ساچیلماز (2 )

 

 

 

 

نیظامی کوچه ده اسکانی اولدو                                     ایشین تام کامیل ایتمیش سونرا سولدو

غمیندن قاراگئیمیش باکو-تبریز                               او وارلیق درگی سی طوفانا دولدو (3)

 

یازاردی خان چوپانین هی ساراسین                             آرازین پارچالانمیش دان یاراسین

نولایدی هیئتیم بیرجه قالاردی                                     یازاردی اردبیل عشقی سوراسین

 

منه مکتوبده یازدی آرزولار وار                                    بو دونیا بیر دنیز کن تک سوار وار

دنیز تک رنگینی حق قالدیریبدیر                             دوشونمزدیم نه ظالیم روزگار وار (4 )

 

حیات کن بیرق حق قالدیریبدیر                                 ماطاح لار ظلم کاردان سالدیریبدیر

اونا رحمت ائدر رحمت قضاسی                                  نه آلماق اولموش اولسا آلدیریبدیر

 

محمداکبرزاده ( ناصح کهنه شهری)

 

1-ایشاره دیر یونسکونون اعلامیه سینه که رحمتلیک دوکتور دده قوقورد کیتابیله بیرلیکده،بیرایله عاید اولان آد آدلاندیرمیشدیر.

2- ایشاره دیر وارلیق درگی سینده چاپا یئتیشمیش شعیره کی رحمتلیک دوکتوره ایتحاف ائله میشدیم هابیله اؤز یازدیقیم دده قورقورد مثنوی لرینه بیر ایضاح ویررکن دوکتورا تقدیم اولونموشدور کی وارلیق دا چاپ اولموشدور .

3- رحمتلیک دوکتور ، باکودا نیظامی کوچه ده اسکان ائله ردی ( نئچه ایل لردن بری) منده خدمتینه گئدمیشدیم .

 

4- ایشاره دیر بیر مکتوبا کی رحمتلیک دوکتور منیم نقدیمه أل یازی سیله منه جاواب یازمیشدی هابئله دوکتورون بیر مکتوبو کی سلیمان دمیرل جنابلارینا وارلیق دا یازمیشدی من ترجمه ائده ر کن امیدزنجان درگی سینده چاپا یئتیشمیدی  ...

 

 

  

منبع خبر : محمد اکبرزاده
نظرات كاربران :
نام :
ايميل :
متن نظر : * 
 
متن بالا را وارد نماييد* 
 
آخرين اخبار
پر بازديد ترين مطالب
صفحه اصلي | نقشه سايت | تماس با ماتمام حقوق مادی و معنوی این سایت متعلق به نويد آذربايجان می باشد و استفاده از مطالب با ذکر منبع بلامانع است.
طراحي سايت و بهينه سازي سايت توسط سارگون