جستجو

تاريخ انتشار : 93.4.26 - 11:14
سنین رؤیان
سنین رؤیان

من اوزوب، دریانی کئچدیم، اوزمه دی دریا منی

چوخ دؤزوب، دونیانی گئتدیم، دؤزمه دی دونیا منی 

هر گئجه، یاتدیم یوخومدا، گؤردو شکلین گؤزلریم

من سنین، رؤیانی گؤردوم، گؤرمه دی رؤیا منی

مکتب عشق ایچره درسی اؤرگه نیب یازدیم سادا

هر کیمه معناسین ائتدیم، ائتمه دی معنا منی

جان دولو حسرتله هامی بیلدیلر مجنون کیمی

دوغرو بیر سئودانی سئودیم، سئومه دی سئودا منی

وای آمان کؤنلوم الین دن، عشق مشقین بیلمه میش

اووجونو آشیردی خالقا ائله دی رسوا منی

آیریلیق، چکمک دن اؤترو، ایل لر، « آیلار» هفته لر

گیزلیجه، بیلمم هایان دا، بسله دی حوّا منی

بیر باهار، بیر قیش

بیزیم ده عشقیمیز توش گلدی قیشا

چئوریلدی دویغوسو سویوق باخیشا

بیرباهار گؤروشدوک، بیر قیش آیریلدیق

بند ایمیش بو سئوگی قارا یاغیشا

محبّت گونونو گیزلتدی بولود

چیلندی هاوامیز گؤیون دن دولو

پوزولدو، یویولدو، سیلیندی اومود

اونوددوق ایلقاری ایتیردیک یولو

نه بیلمک تکراردان بلکه چیرگی دیک

اورک دن دئییلمیش بو سئومک یادا

یورولدوق ایستک دن نه تئز اینجیدیک

بو گؤزل وئرگی دن سوووشدوقسا

کورلاندی آرزیمیز سوتول گوللری

خاطیره قبرین ده، اوشاقلار کیمی

ایندی سه  گؤروروک کئچن گون لری

دومانا بورونن اوزاق لار کیمی

گلدی بو یاز هاردان، گئتدی بیلمه دیک

سئوگیلیک عطرین دن اومدوردو بیزی

او قدر غروردان دولدوق گؤرمه دیک

منبع خبر : ثریا بخشی
نظرات كاربران :
نام :
ايميل :
متن نظر : * 
 
متن بالا را وارد نماييد* 
 
آخرين اخبار
پر بازديد ترين مطالب
صفحه اصلي | نقشه سايت | تماس با ماتمام حقوق مادی و معنوی این سایت متعلق به نويد آذربايجان می باشد و استفاده از مطالب با ذکر منبع بلامانع است.
طراحي سايت و بهينه سازي سايت توسط سارگون